• Slegs stewige tasse of S.R. rugsakke met afskortings.
• Daar mag nie op tasse geskryf of geteken word nie. Slegs leerders se naam, graad, adres en telefoonnommer mag daarop wees.
• Penneblikkies/sakkies moet netjies wees.
• Geen leerder word toegelaat om kougom op die skoolterrein óf in die klasse te kou nie.
• Geen speelgoed mag skooltoe gebring word nie! Geen skaatsplanke nie.
• Saal – geen toegang sonder toesig!

LAATKOM

• Indien ‘n leerder laat by die skool aankom moet hy/sy asb eers aanmeld by die kantoor vir ‘n laatkom-strokie.
• Indien ‘n ouer vooraf weet dat hy/sy ‘n leerder dokter toe moet neem of dat leerder vir enige ander rede eers later skooltoe kom, moet die register onderwyser ‘n dag of twee voor die tyd skriftelik in kennis gestel word daarvan. ‘n E-pos kan ook gerig word aan die kantoor.

KONTAKBESONDERHEDE
Maak asb seker dat u kontakbesonderhede en adres op datum is by die kantoor. Dit veroorsaak groot ontwrigting as ons nie die ouers in die hande kan kry nie (veral as die leerder siek word en afgehaal moet word).

SELFONE

• Dit word op eie risiko skooltoe gebring.
• Dit moet ten alle tye afgeskakel wees tydens skoolure.
• Alle aangeskakelde selfone sal afgeneem en aan die graadvoog oorhandig word vir veilige bewaring.

SLIMHORLOSIES

• • Geen slimhorlosies tydens toetse of eksamens.

ORDE REËLINGS MET DIE UITTEKEN VAN LEERDERS

Ten einde meer beheer oor die uitteken van leerders toe te pas, is ons genoodsaak om die volgende reëlings te implimenteer:

• Register onderwysers moet ‘n dag voor afsprake (dokter, tandarts, ens.) skriftelik in kennis gestel word.
• Wanneer ouers items vir leerders by die kantoor inhandig, sal die leerders eers voor een van die pouses uitgeroep word om die items gedurende pouse by die kantoor af te haal.
• Daar sal nie ouers geskakel word vir leerders wat goed by die huis vergeet het nie. Hulle moet verseker dat hulle elke dag als het wat hulle benodig.
• Op Vrydae ondervind ons ‘n geweldige probleem met ouers wat in groot getalle kinders kom uitteken. Daar sal van nou af geen leerders vroeër op Vrydae uitgeteken word nie tensy ‘n baie duidelike rede verskaf word.
• Indien ‘n ouer vooraf weet dat hy/sy ‘n leerder vroeër gaan kom afhaal, moet daar vir die leerder ‘n brief ‘n dag voor die tyd gegee word waarop die rede verstrek word, en moet die leerder self kantoor toe kom op die tyd en dag soos u met hom of haar gereël het.
  Byvoorbeeld:
  Jannie het om 09:00 ‘n afspraak by Dokter J.J. van Niekerk in Montana. Ons vra dat Jannie asseblief om 08:30 uit die klas verskoon word en kantoor toe gaan waar hy afgehaal sal word. Jannie sal nie terugkeer skool toe nie of Jannie sal om 10:00 weer teruggebring word skool toe. U moet in ag neem dat daar ‘n periode register gehou word, m.a.w. sodra die leerder vir ‘n periode nie in ‘n klas is nie, word hy/sy vir daardie periode afwesig gemerk.
• Alle leerders moet in die kantoor uitgeteken word en ‘n strokie moet by sekuriteit ingehandig word.
• Leerder mag nie vir ouers by die hekke wag nie.
• Geen leerder mag onder enige omstandighede self sy ouers skakel om hom/haar te kom haal nie.
• Geen Hoërskoolleerders kan ‘n kind kom afhaal nie. Indien ‘n ander volwassene as uself u kind kom afhaal, moet u ook die skool in ‘n skrywe daarvan verwittig.